Chhiar ngei ngei tur

Epilogue

Zodinpuii bo atangin kum khat zet a liam tawh a, hnu chhui har thei ang ber turin vawi hnih vel chu a nu leh pa lehkha a lo thawn ve tawh a, ram hran ve ve atangin a ni . Ramsanga tan pawh  a luhai thlak tak zet a ni. 

June thla a ni a, Svalbard khua, Norwayah chuan nipui hun nuam a thleng mek a, khualzin tam tak zanlaia ni hmuh tumin an in pel suau suau a. International Logistic meeting a awm dawn avangin Ramsanga pawn Norway lam a pan ve a, lunglen ti zual tu chauh a ni, Duati nau neih tuk khan Zodini hnenah khan a la hruai tur thu a hrilh anih kha. Zodini tak hruai tur awm lo mahse, he hmunah hian a thinlung zawg zawngin Zodini chu a kiangah a dah tlat thung.

Zan dar 9 velah meeting a zo a, midnight sun thlir ve chu a rem ema a hriat avangin a thlirna tur hmun remchang an sawi lam chu muangchangin a pan ve ta a. 

Tuipui bul kham chhawrdawh ah chuan zan ni thlir in mi an lo awm nuaih nuaih a, zan dar 11 a ri tawh a, ni chuan tlak reng a tum lo a, kawlah chuan a sen phut a. Tuipui atanga thli rawn thaw nen, a romantic tak zet a ni. 

Chung mi tam tak zingah Ramsanga thinlung chuan mi pakhat chiah a zawng a, a thinlung chahbi kawltu Zodinpuii kha. Zodini thil hmuh chak ber hmuh theihnaa a kal dawn avangin vawiin lam meetinga a kal dawn pawn Zodini necktie pek ngei kha a awrh sak a, lung ti leng tu mai chauh a ni.

Kawl lam chu a thlir vang vang a, a hnung lama ding an awm avang chuan tlemin a insiam rem a, a hnung ami chu a sirah a rawn insawn leh a,

"Ka hruai ang che i tireng sia,keimaha kal ngaiin min siam a, a fair lo tak zet zet a ni," mizo tawng ngat in a rawn ti pang pang a.

Mak ti lutukin Ramsanga chu a hawi phei a,engmah pawh a sawi thei lo, a ngawi reng a,a bula ding chu che lo lekin a en a.

"Kum khat zet kan inhmuh tawh loh hnuah min biak pawh i tum nange," a rawn ti leh a.

Ramsanga chuan ,"Zodinpui" a ti hrawk a,a lamah a kuah hnai a, a fawp ta vawng vawng a. Chu zan ni tla thei lo kawl eng sen phut ang mai chuan an inkara hmangaihna pawh chuan chuai ni a nei ngai lo ang.

Ka thawnthu ziah hmasa ber min hlutsak tute chungah lawmthu ka sawi e... muah u all