FATE TAN I BEI HRAM HRAM ANG U

 FATE TAN I BEI HRAM HRAM ANG U

Kan naupan lai chuan nu leh pa nei lo hi fahrah kan ti thin a. Tunlaiah nupa an inthen a, 'fate fahrahah in siam thin' tih tawngkam an hman hian ka ngaih dan a lo ni lo ve tawp a, a chhan chu nu leh pa an la nei tho alawm ka ti rilru thin. Tin, pa emaw nu emaw an boral a, fahrah a inngai tlat an awm te hian, "A pakhat zawk an la awm a, fahrah i la ni love" ka lo ti rilru thin.

Mahse vawiin hian ka ngaihdan ka thlak.

Kan hnathawk pakhat chu naupang te a nia, kum tling awrh chauh a ni. A nu leh pa an inthen a,a nu in pasal dang a nei a, a pahrawn a hrawn thei lo a, a pa bulah a awm a, a pa in a boral san leh a, a papuia a rawn bel a, enge maw avangin an awm ho thei lo a,kan kiangah a awm rih. A nu a dam chhung chu fahrahah ka lo ngai ngai lo.

Vawiinah a chesual a, na takin a inhliam a, kei chuan ka tih theih tawk chu a hliam tuam leh damdawiin a hruai a ni. A hliam an thui zawhah hnathawk zawm lovin a riahna hmunah a lo muhil ngat a. Ka rilru a ti kal thui hle mai. Mipa mah nise pangchanna tur a awt ve hian ka ring. Kan pasal fa nei duah tawh te pawh kan kiangah leh an nute kiangah an la pangchan thin zia hi,hritlangah pawh an let tawp thei hlawm anih hi maw!!!!

A nu chu a la awm,mahse a fapa tan hian a awm tawh bawk si lo. Nu chu a la nei a, fahrah a ni bawk si.

A chang chuan mi nupa buaina-ah fate avanga inthen an duh loh thu an sawiin, a nu i la awm alawm,then hmak rawh ka lo ti thin. Mahse, kan fate hi kan tulpui tluan chhuak thei dawn a, an tana a tawp thlenga kan sual chhuak thei dawn anih loh chuan, fahrahah i siam lo ang u. Nu leh pa ni tluan chhuak thei nu chak tam tak ka hria, in ropui tak zet a ni.

Tin,nupa kara sei lian kan fate pawh, an nu leh pate kan dam in kan awmdun reng chung pawn an tan kan lo awm lo reng thei, thinlung fahrah in kan lo siam reng thei. Kan fate tan i awm ang u.

Fighting!!!!!